Naturarekiko kontaktuak ongizate sentsazioa ematen digu.
Estresa eta kezkak kentzen dizkigu, erlaxatzen eta argiago pentsatzen laguntzen digu. Umore txarra ken diezaguke, gure energia eta bizitasuna itzul diezazkiguke, freskatu eta gaztetu. Ezaugarri horiek ospitalean dauden pertsonek behar izan ditzaketenetako batzuk dira; horregatik, uste dut basoa toki honetara garraiatzea ideia koherentea dela, eta, nolabait, naturak eta arteak pazienteen, senideen eta langileen maila emozionala hobetzeko bide gisa balio izatea.
Horregatik aukeratu nuen basoaren kontzeptua edo ideia, muralean egingo dudan pintura abstraktua egituratu eta garatzeko erreferentzia gisa.
Horma-pintura egiten hasi aurretik, paper gaineko irudia landuko dut, formatu txikian, apunte edo zirriborro gisa.
Horretarako, basoen irudi batzuk bilatuko ditut. Ikerketa mota hau egiten dudanean artxiboko argazkiekin lan egiten dut, beraz, asmoa naturari buruzko aldizkari batzuk aukeratzea da, non landareak, zuhaitzak, mendiak edo forma eta kolore ezberdinak aurkitzeko baliagarria zaidan edozein irudi agertzen diren. Bilaketa hori amaitu ondoren, ebakinak egingo ditut konposizio desberdinak sortzeko, eta, horrela, irudia aurkituko dut, gero formatu handira itzuliko dena zurezko bastidoreen gainean.
Zura euskarri gisa aukeratzearen erabakia basoko elementu batzuk, kasu honetan zuhaitzen enborrak, espaziora ekartzen ditugulako da nolabait. Asmoa da koloreak zurezko euskarri horren gainean jartzea, baina ez osorik estaltzea, haren zati batzuk agerian utziz, eta, horrela, haren testurak, formak eta korapiloak horma-irudiaren erabateko eta behin betiko irudian sartu ahal izateko. Horrek sentimenen bidez, hala nola ikusmenaren, ukimenaren eta baita usaimenaren bidez ere, konektatzearen eta naturatik hurbilago egotearen sentsazioa bizitzera hurbilduko gaitu.
nafarroa.eus
