nafarroa.eus
Nafarroako Kirolaren eta Gazteriaren Institutuak, Golem Zinemekin batera, "asteartean zinemara gazte txartelarekin" ekimena antolatu du. Maiatzaren 23tik aurrera, asteartero, gazte txartelaren titularrak Golem Baiona eta Golem Yamaguchi zinemek kartelean dituzten film guztiak ikustera joaten ahalko dira, 3 euroko prezioan. Nafarroako Kirolaren eta Gazteriaren Institutuak eta Golem Zinemek bultzatu dute neurri hau, Gazte Txartelaren programaren barnean, eta garatuko da deskontuen gehienezko kopurua erdietsi arte, hots, 6000 gazterengana iritsi arte.
Hala, nahi da Nafarroako gazteak zinemara hurbil daitezen, aisialdirako kultura jarduera moduan. Bi erakundeek zinema sustatu nahi dute gazteen kulturan, hausnarketarako eta analisirako gune gisa, giza jokabideen gaineko eztabaida kritikorako foro gisa, historia ezagutzeko tresna gisa, eta gaur egungo arazoei buruz ikasteko baliabide gisa. Era berean, aurreikusita dago zenbait proiekzio jatorrizko bertsioan egitea.
