nafarroa.eus
.jpg)
"Tuteran Jai"
Ekainaren 27an hasten dira Tuterako Alde Zaharrean ospatzen diren San Pedro jaiak. Jai horiek duela urte asko hasi ziren ospatzen, gazteen kolektiboek sustatuta. Urteen poderioz, belaunaldien arteko erreleborik ezaren ondorioz, jarduera tradizional asko galdu egin dira. Ohitura horietako bat afari herrikoia zen, auzoko bizilagunak eta Tutera osoko gazteak eta ez hain gazteak elkartzen zituena, gozamen komunitariorako espazio bat sortuz, pertsonen eta kolektiboen arteko sare desberdinak sortuz.
Proposatutako jarduera ekainaren 27an afari herrikoia egitea da, 150 pertsona ingururentzako mokadutxo-afari batekin. Afaria San Jaime plazatik aterako den txaranga batek girotuko du, jendea Kaldereros kaleraino gidatzeko (bertan egingo da afaria). Afari horretan erakusketa bat egongo da kalean bertan, urte batzuk lehenago San Pedro jaiak nolakoak ziren erakusten duten argazkiekin. Argazki horiek auzoko bizilagunek azalduko dituzte. Gainera, Alde Zaharrean bizi diren gazteek euren bizitzapenak eta auzoa nola aldatu den kontatuko dute, bertaratutako guztien artean hobekuntza-proposamenak jasotzeko horma-irudi bat sortuz.