KONTRATUAREN KLAUSULAK
LEHENA
Nafarroako Gazteriaren Institutuaren bitartez, GAZTE TXARTELA jartzen du Nafarroako gazteen eskura, sarbide errazagoa izan dezaten kultura, kontsumo eta zerbitzu arloetako ondasunetara, programa honekin bat egin duten establezimenduek eskaintzen dituzten abantaila eta deskontuen bitartez.
BIGARRENA
Nafarroako Gobernuak konpromisoa hartzen du enpresa edo entitatearen izena eta hark eskaintzen dituen onurak agertzeko Gazte Txartelaren erabiltzaile erregistratu guztiek www.carnejoven.navarra.es edo www.eyca.org webguneetan kontsultatzen ahalko duten online gidan.
HIRUGARRENA
GAZTE TXARTELAREN edukitzaileei onura ematen dien enpresa edo entitateak nahi bezala finkatuko du bai deskontua bai zerbitzu, produktu edo prestazio mota. Hala ere, aholkua da deskontuak ez izatea %10 baino txikiagoak, salbu eta alderdien artean akordio berezia egiten denean, gaia dela-eta.
LAUGARRENA
Nafarroako Gazteriaren Institutuak beretako gordetzen du eskaintzak ez onartzeko eskubidea, beren edukiagatik edo beren ezaugarriengatik GAZTE TXARTELAREN programaren xedeekin bat egiten ez badute.
BOSGARRENA
Enpresa edo entitateak konpromisoa hartzen du deskontua egiteko edo abantaila eskaintzeko GAZTE TXARTELAREN edukitzaileei, behar bezala beterik aurkezten badute, bai Nafarroakoei bai gainerako erkidego autonomokoei bai Lisboako protokoloa sinatu duten Europako herrietakoei.
SEIGARRENA
Emandako deskontu edo onurek ez dute berekin ekarriko inolako diru ordainik programa sustatzen duten erakundeen aldetik.
ZAZPIGARRENA
GAZTE TXARTELAREN onuren emaile guztiei itsasgarriak eta iragarkiak emanen zaizkie dohain; horiek nahitaez paratu beharko dituzte jendeak ikusteko maneran (erakusleihoan edo barnean).
ZORTZIGARRENA
Kontratu hau indarrean egonen da sinatzen den egunetik, harik eta alderdietariko batek deuseztatzea erabakitzen duen arte. Betiere, idatziz jakinarazi beharko zaio beste alderdiari, gutxienez ere bi hilabete lehenago.
BEDERATZIGARRENA
Enpresa edo entitateak konpromisoa hartzen du Nafarroako Kontsumoko Arbitraje Batzordeak administraturiko arbitrajean jartzeko GAZTE TXARTELAREN titular eta edukitzaileek eta haien legezko ordezkariek GAZTE TXARTELAREN bitartez eskaintzen diren abantaila, produktu edo zerbitzuen mota eta zenbatekoari dagokienez aurkezten dituzten erreklamazio guztiak, eta orobat konpromisoa hartzen arbitroak ematen duen laudoa betetzeko.
HAMARGARRENA
Kontratu hau betetzean eta interpretatzean enpresaren eta programa sustatzen duen erakundearen artean gertatzen diren gorabehera guztiak lehen-lehenik Nafarroako Gazteriaren Institutuak ebatziko ditu; haren ebazpenen.
nafarroa.eus
