Kabaret Baztan-Bidasoa

Euskaraz garatutako sorkuntza artistikoko proiektua, 18 eta 30 urte bitarteko LGTBIQ+ gazteei eta, batez ere, Baztan, Bortziriak eta Malerreka eskualdeetan genero-identitatea eta -adierazpena aztertu nahi duten gazteei zuzendua. Eskualde horietako komunitate- eta gazte-guneetan garatuko da. 

Hamar lanegunetan zehar, kabareta eta burlesqueren inguruko erlaxazio-ariketak eta antzerki-jolasak egingo dira. Sexologo batek generoari eta sexualitateari buruzko saio teoriko-praktikoa emango du, eta Albina Stardustek drag tailer bat eskainiko du. Ondoren, askatze-prozesu bat gidatuko da Laban, Lecoq eta Stanislavsky antzerki-teknikak, dantza eta meditazioa uztartuz. Zortzigarren saiotik aurrera, sorkuntza artistikoko ariketak hasiko dira eta, amaitzeko, egindako lanaren erakustaldi bat egingo da.

Prozesu horretan, ikaskuntza da garrantzitsuena, ez azken lagina. Lagin hori ez da nahitaezkoa izango, baizik eta ikusiak izateko jolastu eta probatu nahi dutenentzat, taldean eztabaidatuko da zein publiko gonbidatuko den.

Prozesu horretan, parte-hartzaile bakoitzak koaderno batean erregistratuko du bere ibilbide osoa: sentsazioak, ideiak, hausnarketak eta saioetan bizi eta ikusitakoaren marrazkiak. Erregistro horri esker, bizitakoa islatzeaz gain, pertsona bakoitzaren autoezagutza sustatuko da, sorkuntza-lana elikatzeko baliabide gisa erabiliz.

Tailerrak 2026ko urrian hasiko dira, 3 orduko iraupenarekin, 17:00etatik 20:00etara. Laginerako eguna eta ordua zehaztuko dira.

Izena eman