Nazioarteko gazte-txartela

Nork eska dezake IYTC txartela? IYTC txartela (International Young Travel Card) 30 urte baino gutxiago dituen edonorentzat da. IYTC txartelaren abantailak ISIC txartelarenak bezalakoak dira, eskaintza bakarrik ikasleentzat duten kasuak izan ezik.

Nola eskura dezaket nire IYTC txartela?

Txartela lortzeko modurik azkarrena eta merkeena da webgune honen bidez: https://isic.es/order/

  1. Idatzi zure datu pertsonalak.
  2.  Erantsi eskatzen diren dokumentuak.
  3.  Aukeratu bidalketa-mota, eta... baliatu zure IYTC txartela!

Minutu gutxiren buruan baliatu ahal izango duzu zure txartel digitala, eta, bertsio fisikoa eskatu baduzu, egun gutxiren buruan iritsiko zaizu etxera.

Zer agiri behar dut?

IYTC txartela eskatzeko, datu pertsonal batzuk eman behar dira (izen-abizenak, zure lantokiaren izena, jaioteguna eta helbide elektronikoa).

Gainera, txartel neurriko argazki pertsonal bat erantsi beharko duzu formatu digitalean, ahal dela hondo zuri batekin. (JPG edo PNG formatua)

Zenbat balio du ISIC txartelak? Zer balio-denbora du?

Prezioa

IYTC txartelaren bertsio digitala 11 eurokoa da. Nahiago baduzu formatu fisikoan ere izan, kostu gehigarri bat dago, haututako bidalketa motaren arabera.

Balio-denbora

IYTC nazioarteko txartelak urte natural bateko balioa du, egiten den egunetik aurrera.

Zer eskaintzen du?

Mundu osoko garraioetan, ostatuetan, museoetan, antzokietan, kultura-etxeetan eta leku historikoetan deskontuak eta zerbitzu bereziak eskaintzen ditu. Abantaila horiek www.isic.org webgunean kontsulta ditzakezu.



Bilatzailea